Atyraý turǵyny jol erejesin 65 márte buzǵan

ATYRAÝ. QazAqparat – Atyraýda sheteldik nómir taqqan kóliktiń júrgizýshisi 65 márte jol qozǵalysy erejesin buzǵan, dep habarlaıdy QazAqparat.

«Atyraýda ornatylǵan «Inter Tsepter» júıesi 2019 jyly Armenııa Respýblıkasynyń nómirin taqqan Toyota Camry kóligi 65 ret ereje buzǵanyn tirkedi. 30 jastaǵy Atyraý turǵyny jyldamdyqty asyryp, «stop syzyǵyn» kesip ótken. Saldarynan esepte joq kóliktiń qaıda ekeni anyqtalǵanǵa deıin 800 myń teńgeniń qomaqty aıyppuly jınalyp úlgerdi», - dep málim etti oblystyq polıtsııa departamentiniń baspasóz qyzmetinen.

Vedomstvonyń aqparatynsha, ótken jyly oblys ortalyǵynyń ózinde sheteldik nómirmen júrgen 35 myńǵa jýyq kólik jol erejesin buzǵan. Olardyń ıelerine qatysty ákimshilik hattama toltyryldy.

Eske sala keteıik, «Joldaǵy qabyldaý» aktsııasynyń birinshi kúni sheteldik nómiri bar kólik mingen 129 atyraýlyq aqyl-keńes alý úshin polıtsııaǵa júgingen.