Atyraý turǵyny úıiniń janynan áskerı granata taýyp aldy
ATYRAÝ. QazAqparat - Atyraýda jergilikti turǵyn aýlasynda jer qazý jumystary kezinde eski tottanǵan «F-1» áskerı granatasyn taýyp aldy, dep habarlaıdy QazAqparat tilshisi.
Atyraý oblystyq tótenshe jaǵdaılar departamenti baspasóz qyzmetiniń habarlaýynsha, keshe saǵat 21.27-de Atyraý qalasyndaǵy Morozov kóshesinde ornalasqan jekemenshik úıdiń mańyndaǵy jer qazý jumystary kezinde er adam eski tottanǵan áskerı granatany taýyp alǵan.
«Arnaıy is-sharalar barysynda tot basqan «F1» qol granatasy ekeni anyqtaldy. Saperler ony polıgonǵa aparyp, jarý arqyly joıyp jiberdi. Qurban bolǵandar men zardap shekkender joq», dep habarlady oblystyq TJD baspasóz qyzmetinen.
