Atyraý turǵyny polıtsııaǵa «sýǵa sekirip ólemin» dep jalǵan habar bergen
ATYRAÝ. QazAqparat – Atyraý qalasynyń turǵyny «sýǵa sekirip, ólemin» dep, polıtsııaǵa jalǵan habar bergen, dep habarlaıdy QazAqparat.
Al, «102» operatoryna 22 mamyrda saǵat 12:30 shamasynda belgisiz er adam qońyraý shalǵan.
«Ol erteń sýǵa sekirip, ólemin» dep habar bergen. Aryzdanýshynyń bul habary polıtsııa qyzmetkerleriniń alańdatýshylyǵyn týǵyzdy. Osyǵan baılanysty polıtsııa qyzmetkerleri jedel tekserý júrgizdi. Nátıjesinde polıtsııaǵa jalǵan habar bergen Atyraý qalasynyń 33 jastaǵy turǵyny anyqtaldy. Ol qaljyń úshin polıtsııaǵa telefonynan orta dárejeli masań kúıde qońyraý shalǵanyn moıyndady», - dep habarlady oblystyq polıtsııa departamentiniń baspasóz qyzmeti.
Atalǵan azamatqa qatysty QR Ákimshilik quqyqbuzýshylyq týraly kodeksiniń 438-babynyń 1-bóligimen (memlekettik órtke qarsy qyzmet organdaryn, polıtsııany, medıtsınalyq jedel járdemdi, avarııalyq qyzmetterdi kórineý jalǵan shaqyrý) ákimshilik hattama toltyrylyp, 30 aılyq eseptik kórsetkish kóleminde aıyppul salyndy.
Oblystyq polıtsııa departamenti baspasóz qyzmetiniń málimetine súıensek, jyl basynan beri polıtsııaǵa 18 jalǵan habar qońyraý túsken.
