Atyraý turǵyny óz úıinde óli kúıi tabyldy
Atyraý oblystyq Polıtsııa departamentiniń baspasóz qyzmetinen málim etkendeı, qylmystyq oqıǵa 19 qazanda tańǵy saǵat 07:45 shamasynda bolǵan.
«Atyraý qalasynyń Órken shaǵynaýdanynda ornalasqan jeke úıde áıeldi býyndyryp óltirip ketken. Jasy 59-da. Osy derekke baılanysty QR Qylmystyq kodeksiniń 99-baby 2-bóligimen sotqa deıingi tergeý bastaldy», - dep málim etti departamentten.
Qazir polıtsııa qyzmetkerleri adam óltirgen kúdiktini anyqtaý, ustaý úshin jedel-izdestirý is-sharasyn júrgizip jatyr. Oǵan Polıtsııa departamentiniń jeke quramy jumyldyryldy.
«Sotqa deıingi tergeý amaldaryn departamenttiń jedel tergeý toby júrgizip jatyr. Sot-medıtsınalyq saraptama taǵaıyndaldy. Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy», - dedi vedomstvonyń baspasóz qyzmetinen.
Áleýmettik jelide taraǵan aqparatqa qaraǵanda, kúdikti úıden altyn buıymdardy, aqsha men ózge de zattardy urlap ketken.
Eske salaıyq, buǵan deıin Atyraýda úsh adamdy atyp óltirip, taǵy bireýin jaraqattaǵan jigittiń isi sotqa jetkenin habarlaǵan bolatynbyz.