Atyraý turǵyny óz aýlasynan jabaıy úki taýyp aldy

ATYRAÝ. QazAqparat – Atyraý qalasynyń turǵyny úkini qutqaryp qaldy, dep habarlaıdy QazAqparat.

«Atyraýdyń Kókarna yqshamaýdanynda turatyn Maral Nysanov aýlasynda júrgen úkini baıqaǵan. Qus ushýǵa talpynbaǵan soń ol ony úıine kirgizgen. Sosyn oblystyq orman sharýashylyǵy jáne janýarlar álemi ınspektsııasyna habarlasady. Biz aıtylǵan mekenjaıǵa baryp, úkini «Aqjaıyq» tabıǵı rezervatyna tapsyrdyq. Ony qarap shyqqan ornıtologtar esh jeri jaralanbaǵanyn anyqtady. Sondyqtan qusty tamaqtandyryp, ushyryp jiberdi»,- deıdi oblystyq aýmaqtyq orman sharýashylyǵy jáne janýarlar álemi ınspektsııasynyń bólim basshysy Azamat Ábıǵalıev.

Jyl saıyn kóktem men kúz kezinde qustyń 292 túri «Aqjaıyq» tabıǵı rezervatynyń aýmaǵy arqyly ushyp ótedi. Onyń ishinde 110 qus túri uıa salady, 76 túri qystap qalady.