Atyraý turǵyny qara ýyldyryqpen ustaldy
ATYRAÝ. QazAqparat - Atyraýda «Bekire-2019» jedel-aldyn alý sharasy barysynda qala turǵyny qara ýyldyryqpen jáne bekire tuqymdas balyqpen ustaldy, dep habarlaıdy QazAqparat tilshisi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, mamyrdyń 18-inen 19-yna qaraǵan túni «Pechnoı» beketinde quramynda serjant Saıat Beısenov, qatardaǵy jaýynger Baýyrjan Bagberanov bar top polıtsııa qyzmetkerlerimen birge qara tústi «Toıota Kamrı 50» avtokóligin toqtatty.
Avtokólik salonyn qaraǵan kezde qara ýyldyryq salynǵan 500 gramdyq eki plastıkalyq banki, shortannyń ýyldyryǵy salynǵan 4 banki, 4 kg bekire tuqymdas balyq jáne ystalǵan 1,5 kg bekire tuqymdas balyq tabyldy.
Júrizýshi polıtsııa qyzmetkerlerine tapsyryldy.
Qazirgi kezde Atyraý Polıtsııa departamenti QR QK-niń 339-babyna sáıkes (ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sotqa deıingi tergeý amaldaryn júrgizýde.
Eske sala keteıik, budan buryn Atyraýda bekire tıelgen júk kóligi ustalǵanyn jazǵan bolatynbyz.
