Atyraý turǵyny bekire balyǵymen ustaldy
ORAL. QazAqparat - «Bekire-2017» jedel aldyn alý sharasy barysynda QR Ulttyq ulany «Batys» óńirlik qolbasshylyǵyna qarasty 5546-áskerı bólimniń jaýyngerleri, kishi serjant Nurbolat Maǵal, serjant Daıyrjan Іlııasov jol-patrýldik qyzmeti qyzmetkerlerimen birge Damba-Atyraý joly boıynda 27 jasar turǵyn aıdap kele jatqan Shevrole Aveo avtokóligin toqtatty, dep habarlaıdy «QazAqparat» tilshisi.
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, avtokólikten zańsyz aýlanǵan 8 kg bekire balyǵy tabylyp, tárkilengen.
Atalǵan derek boıynsha D. degen azamatqa qatysty QR QK 196-babyna sáıkes tergeý amaldary júrgizilýde.
Aıta keteıik, bekire asa baǵaly jáne erekshe qorǵalatyn balyq túri bolyp tabylady. Ol ári «Qyzyl kitapqa» engizilgen.
