Atyraý turǵyny áıelin balaǵattaǵany úshin úsh táýlikke qamaldy
ATYRAÝ. QazAqparat - Atyraý oblysynda áıelin balaǵattaǵan turǵyn sot sheshimimen úsh kúnge tutqyndaldy, dep habarlaıdy QazAqparat.
«Atyraý oblysynyń Jylyoı aýdandyq soty Qulsary qalasynyń turǵynyna qatysty ákimshilik isti qarady. Іs materıaldary boıynsha, aıyptalýshy azamat úıine tún ishinde mas bolyp kelip, otbasynyń tynyshtyǵyn buzǵan. Sonymen qatar ol áıeline bylapyt sózder aıtyp, balaǵattaǵan»,-dep habarlaıdy Atyraý oblysynyń Jylyoı aýdandyq soty.
Namysy taptalǵan áıel quqyq qorǵaý organdaryna shaǵamdandy. Quqyq buzýshy azamat sot barysynda óziniń aıybyn moıyndap, istigen isine ókinetinin aıtqan. Alaıda, onyń áıeli sottan kúıeýin barynsha qatań jazalaýdy surady.
«Sot qaýlysymen zań buzýshy A. QR QK-niń 73 baby, 1 tarmaǵy negizinde kináli dep tabyldy. Oǵan 3 táýlikke qamaýǵa alý túrinde ákimshilik jaza taǵaıyndaldy»,- dep habarlady sot ókilderi.
