Atyraý turǵyny aýlasynda qarasora ósirgen
«Atyraý qalasynyń mańyndaǵy Hımıkter poselkesiniń turǵyny úıiniń aýlasynda quramynda esirtki zattary bar ósimdiktiń 4 túbin ósirgen. Polıtsııa qyzmetkerleri aýlany tekserý kezinde esirtki shóbin tapty. Qazir atalǵan derek boıynsha QR Qylmystyq kodeksiniń 300-babynyń 1-bóligimen (quramynda esirtki zattar bar, ósirýge tyıym salynǵan ósimdikterdi zańsyz egip-ósirý) sotqa deıingi tergep-tekserý amaldary júrgizilýde», - dep habarlady Atyraý oblystyq Polıtsııa departamenti baspasóz qyzmetinen.
Sondaı-aq «Qarasora-2020» reıdi bastalǵaly polıtseıler QR Qylmystyq kodeksiniń 297-baby (Esirtki zattaryn satý), 296-babynyń 2-bóligi (Esirtki, psıhotroptyq zattardy sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) jáne 300-baby (Quramynda esirtki zattar bar, ósirýge tyıym salynǵan ósimdikterdi zańsyz egip-ósirý) boıynsha 10-nan astam derek anyqtaǵan. Tergeý amaldary júrgizilýde.
«Bıylǵy 1 maýsym men 31 qazan aralyǵynda «Qarasora-2020» jedel profılaktıkalyq is-sharasy ótkizilýde. Onyń negizgi maqsaty – esirtki jáne psıhotroptyq zattardyń zańsyz aınalymyn anyqtap, jabaıy qarasoranyń zańsyz saýdasyna tosqaýyl qoıý» - deıdi Atyraý oblystyq Polıtsııa departamentiniń bastyǵy Qamza Úmbetqalıev.