Atyraý turǵyny atasynyń eski qarýyn polıtsııaǵa tapsyrdy
ATYRAÝ. QazAqparat – Atyraýlyq turǵyn atasynyń eski qarýyn polıtsııaǵa tapsyrdy, dep habarlaıdy QazAqparat.
Atyraý qalalyq polıtsııa basqarmasy bastyǵynyń mindetin atqarýshy, polıtsııa podpolkovnıgi Erlan Bıǵambaevtyń aıtýynsha, «Qarý» profılaktıkalyq is-sharasy aıasynda turǵyndardan zańsyz saqtalǵan atys qarýyn, oq-dárilerdi men jarylǵysh zattardy satyp alý jalǵasyp jatyr.
«Búginge deıin ákimshilik polıtsııa basqarmasy turǵyndardan 13 tegis uńǵyly, 4 ıir oıyqty qarý men 817 oq-dári tapsyrýǵa qatysty 15 ótinishti qabyldady. Máselen, qala turǵyny 18-kalıbrli «E57880» markaly tegis uńǵyly ańshy myltyǵyn tapsyrdy. Onyń aıtýynsha, myltyq atasynan qalǵan. Endi oǵan tapsyrylǵan qarý úshin 26 253 teńge kóleminde qarjylaı syıaqy beriledi», -deıdi Erlan Bıǵambaev.
Eske sala ketelik, budan buryn Atyraýda 29 jastaǵy jigit áleýmettik jeli arqyly qarý satpaq bolǵan edi.
