Atyraý turǵyny 120 keli bekire tuqymdas balyqpen ustaldy
«2019 jyldyń 3 qarashasynyń saǵat 21.30-da «Bekire» profılaktıkalyq is-sharasy aıasynda Atyraý oblysy Polıtsııa departamentiniń balyq qorlaryna qylmystyq qol suǵýshylyqqa qarsy kúres bóliminiń qyzmetkerleri, Baımuhanov kóshesinde, 32-jastaǵy Atyraý oblysy, Isataı aýdany turǵynynyń basqarýyndaǵy«Lada Granta» avtokóligin toqtatty. Tekserý kezinde jalpy salmaǵy 120 keliden astam 45 dana bekire tuqymdas balyqtar tabylyp, tárkilendi», - dep habarlady Atyraý oblysy Polıtsııa departamentiniń baspasóz qyzmetinen.
Sondaı-aq, polıtsııa qyzmetkerleri júrgizýshiniń úıinde tintý júrgizý kezinde torlar men «Baıda» júzý quralyn tapqan.
Atalǵan derek boıynsha Qazaqstan Respýblıkasynyń Qylmystyq kodeksiniń 339-babymen «Balyq resýrstaryn, basqa da sý janýarlary men ósimdikterin zańsyz alý» boıynsha sotqa deıingi tergeý bastaldy.
