Atyraý turǵyndary Jaıyq ózeninen maıshabaqty súzip alyp jatyr
ATYRAÝ. QazAqparat – Atyraý turǵyndary Jaıyq ózeninen maıshabaqty súzip alyp jatyr, dep habarlaıdy QazAqparat.
Jergilikti ıhtıolog, bıologııa ǵylymdarynyń kandıdaty Nıkolaı Popovtyń aıtýynsha, Jaıyq ózeninde maıshabaqtyń júzip júrýi – sırek ári tańqalarlyq jaıt emes.
«Óıtkeni, maıshabaq ózen arnasymen Kaspıı teńizine deıin júzip barady. Buryn Jaıyq ózeniniń Mahambet jáne Inder aýdandary tusynda kezdesken edi. Al, 2008 jáne 2012 jyldary ózenniń Atyraý qalasyndaǵy bóliginde baıqaldy. Maıshabaqtyń ózenge shyǵýynyń bir-eki nusqasyn qarastyrý qajet. Birinshiden, muny teńizde maıshabaqtyń kóp mólsherde bolýymen baılanystyrǵan jón shyǵar. Sol sebepten, ózenge júzip shyǵýy múmkin. Ekinshiden, teńizdiń lastaný nusqasyn joqqa shyǵarýǵa bolmaıdy. Muny da eskergen jón. Biraq, munyń bári – boljam. Naqty qorytyndyny arnaıy zertteý júrgizip, nátıjesi belgili bolǵannan keıin aıtýǵa kerek», -deıdi Nıkolaı Popov.
Eske sala ketelik, budan buryn Atyraýda Jaıyq ózeninen eki tasbaqa tabylǵanyn jazǵan bolatynbyz.
