Atyraý turǵyndary ystyq sýdaǵy jaǵymsyz ıiske shaǵymdandy
Budan buryn Atyraýda 23 qyrkúıekke deıin ystyq sý berý toqtatylatyn jazǵan edik.
Atyraý qalasy ákimdigi baspasóz qyzmetiniń málimetinshe, shahardaǵy barlyq jylý pýnktinen ystyq sý berýdi 12-23 qyrkúıek aralyǵynda tolyq toqtatýǵa sheshim qabyldanǵan. Buǵan qala aýmaǵyndaǵy magıstraldyq jylý jelilerinde kúrdeli jóndeý jumystaryn júrgizilýi sebep boldy. Al búgin shahardyń keıbir bóligindegi turǵyn úılerge ystyq sý berildi.
Alaıda, Atyraý qalasynyń turǵyndary áleýmettik jelide ystyq sýdan jaǵymsyz ıistiń shyqqanyn jazyp jatyr.
«Sońǵy birneshe kúnde Jaıyq ózeninen alynǵan sýǵa qalypty normadan asyrmaı, reagent qosylady. Sýdy tazartý nysandary zerthanasynda saǵat saıyn baqylaý júrgiziledi. Sýǵa qosylǵan dezınfektsııalyq reagentterdiń artyq mólsheri anyqtalǵan joq», - dep habarlady «Atyraý oblysy Sý arnasy» KMK-nyń baspasóz qyzmetinen.
Endi 27-29 qyrkúıek aralyǵynda magıstraldy jylý jelilerine joǵary qysymmen synaq júrgizý kózdelgen. Osyǵan baılanysty «AtyraýJylýOrtalyǵy» AQ jazataıym oqıǵalardy boldyrmaý úshin synaq kezeńinde magıstraldyq qubyrlarǵa jaqyndamaýdy, jylý jelileri ýchaskelerin tekserip júrgen qyzmetkerlerdiń nusqaýlaryn oryndaýdy eskertip otyr.
