Atyraý turǵyndary sybaılas jemqorlyq týraly esep berý úshin 3 mln teńge alǵan

ATYRAÝ. QazAqparat - Atyraý oblysynyń turǵyndary qańtar-naýryz aılarynda sybaılas jemqorlyqqa baılanysty 3 mln teńge kóleminde syıaqy aldy, dep habarlaıdy QazAqparat tilshisi. 

«Oblysta jyl basynan beri jemqorlyqpen aınalysqan memlekettik mekemeler men kvazısektor ókilderiniń birinshi deńgeıdegi 5 basshysy anyqtaldy. Onyń ishinde oblystyq jáne aýdandyq deńgeıdegi 2 basshy jáne qalalyq deńgeıdegi 1 basshy anyqtalyp otyr. Para alǵan Atyraý oblystyq ІІD 3 qyzmetkeri ustaldy. Olar qylmystyq isterdi toqtatý úshin aqsha tabýǵa tyrysty», - dedi óńirlik kommýnıkatsııalar qyzmetiniń brıfınginde Memlekettik qyzmet isteri jáne sybaılas jemqorlyqqa qarsy is-qımyl agenttiginiń Atyraý oblysy boıynsha departament basshysy Toqtamys Jumaǵulov.

T.Jumaǵulovtyń aıtýynsha, oblysta 21 tulǵa jemqorlyq derekterin habarlaǵany úshin syıaqy alǵan. Berilgen syıaqynyń jalpy kólemi 3 mln. teńgeden astam.