Atyraý turǵyndary psıhotropty preparat satqan adamnan dárini tartyp alyp, taptap tastady

ATYRAÝ. QazAqparat - Atyraýda psıhotropty dári-dármek satýmen aınalysqan eki áıel ustaldy, dep habarlaıdy QazAqparat.

29 qarasha kúni áleýmettik jelilerde taraǵan beınetaspada eki jigittiń birneshe qorap dárini aıaǵymen taptap, jaramsyz etip ezip jatqany kórsetilgen.

Beınetúsirilim avtory jáne shamamen álgi taptalǵan dáriniń ıesi belgisiz er adamdy da taspaǵa túsirgen. Atalǵan beınetaspadaǵy derek boıynsha polıtsııa qyzmetkerleri tekserý júrgizdi.

Atyraý qalasynyń eki turǵyny Vokzal mańy-5 yqshamaýdanynda er azamattan 20 dana psıhotroptyq dárini tartyp alyp, aıaǵymen taptap, bolǵan jaıdy beınetaspaǵa túsirgen jáne ony áleýmettik jelilerde taratqan.

Sondaı-aq, polıtsııa qyzmetkerleri álgi adamnyń 20 dana psıhotropty dárini áıelinen alǵanyn, al áıelge tanysy - 1981jyly týǵan kelinshek satýǵa bergenin anyqtady.

Bul azamatshanyń páterin tekserý barysynda 1 dana psıhotropty dári tabylyp, alyndy.

Eki azamatshaǵa qatysty jınaqtalǵan qujattar medıtsınalyq jáne farmatsevtıkalyq baqylaý komıtetiniń Atyraý oblysy boıynsha departamentine joldandy.