Atyraý turǵyndary masany ýlaý jumysyn teksere alady
Óńirlik kommýnıkatsııalar qyzmetiniń habarlaýynsha, Atyraý qalasynda dezınsektsııalyq jumystar sáýir aıynda bastalǵan. Sodan beri kópqabatty 1188 turǵyn úıdiń jertólesi men kireberisine dárileý júrgizilgen.
«Qaladaǵy dezınsektsııalyq jumysqa alty brıgada jumyldyryldy. Onyń ekeýi tańǵy saǵat 9:00-den keshki saǵat 18:00-ge deıin jumys isteıdi. Bul brıgadalar kópqabatty úılerdegi jertóle men kireberiste zııankestermen kúresedi. Al, tórt brıgada keshki saǵat 20:00-den túngi saǵat 02:00-ge deıin qala kóshelerinde, ashyq sý qoımalarynda, saıabaqta, mádenıet jáne demalys oryndarynda, sondaı-aq, qala mańyndaǵy aýyldyq okrýgterde tazalaý jumystaryn júrgizedi»,- deıdi entomolog-maman Aınagúl Dáýletıarova.
Onyń aıtýynsha, PIK qyzmet kórsetpeıtin úılerge dezınsektsııa jumystary senbi-jeksenbi kúnderi júrgiziledi. Al, PIK qurylǵan turǵyn úılerge ýlaý jumystary aıyna bir ret jasalady. Sondaı-aq, mamandar áleýmettik jelilerde arnaıy chattar ashqan.
«Bizdiń jumysymyzdy qalalyq ákimdikpen birge turǵyndar da baqylaı alady. Ýlaý jumystaryna kóńili tolmasa, Telegram-chatqa jazyp, jumys barysyn tekserýge múmkindigi bar», - deıdi Aınagúl Daýletıarova.
Eske sala ketelik, budan buryn Atyraýda masany ýlaýǵa 65 mln teńge bólingenin habarlaǵan edik.