Atyraý turǵyndary aýadaǵy sasyq ıiske shaǵymdandy

ATYRAÝ. QazAqparat – Atyraý qalasynyń turǵyndary aýadaǵy sasyq ıis týraly shaǵym aıtyp jatyr, dep habarlaıdy QazAqparat tilshisi.

Turǵyndar Іnstagram áleýmettik jelisinde sasyq ıisten júrek aınyp, bas aınalǵany jóninde jazyp jatyr.

Atyraý qalasynyń úsh turǵyny oblystyq ekologııa departamentine shaǵym bergen.

Qala tuǵyndarynyń biri Laýra Súleımenova ózge óńirge kóshý máselesin oılastyryp júrgeni týraly vıdeo júktedi.

«Qolaısyz ekologııalyq jaǵdaıǵa baılanysty Atyraýdan kóshý jaıly alǵash ret oılandyq. Sońǵy onjyldyqta Atyraýda kúkirtti sýtektiń ıisi turaqty qaıtalanady. Biz únemi terezelerdi jaýyp, aýa baptaǵyshpen dem alýǵa májbúrmiz. Úıde aýa tazartqyshtar únemi qosylyp turady. Ómir sapasy týraly ne aıtýǵa bolady? Meniń ekologııa departamentine demarshym shyǵaryndylardyń shyǵý kózin anyqtaýǵa qatysty boldy. Men qala turǵyndaryn osy ekologııalyq genotsıdten qutqarý úshin shara qabyldaýdy talap etemin», -deıdi Laýra Súleımenova.

Aýadaǵy sasyq ıiske baılanysty Atyraý munaı óńdeý zaýyty tómendegideı aqparat taratty.

«Atmosferalyq aýanyń sapasyn baqylaý postynyń derekterine sáıkes 28 naýryzda kúkirtti sýtek boıynsha shekti ruqsat etilgen kontsentratsııa normatıvteriniń asyp ketkeni tirkeldi. Zaýyt shtattyq rejımde jumys istep turǵanyn habarlaımyz. Jel soltústik-batystan, ıaǵnı Atyraý qalasynan zaýytqa qaraı soǵyp tur. Demek, Atyraý munaı óńdeý zaýytynyń óndiristik protsesi - jaǵymsyz ıistiń kózi emes», -dep habarlady zaýyttyń qoǵammen baılanys bólimi.

Al, oblystyq ekologııa departamentiniń baspasóz qyzmetiniń málimetinshe, «Kvadrat» býlaný alańyndaǵy aýa sapasyn tekserý bastalǵan.

Eske sala ketelik, budan buryn Atyraý munaı óńdeý zaýytyna bir jylda 100 mln teńgeniń aıyppuly salynǵanyn habarlaǵan edik.