Atyraý turǵyndary aýadaǵy munaı óniminiń ótkir ıisine shaǵymdandy
ATYRAÝ. QazAqparat - Atyraý turǵyndary atmosferalyq aýa jaǵdaıyn ózdiginen baqylaý úshin birlesip gaz taldaýshy qurylǵy satyp alýǵa bekindi, dep habarlaıdy «QazAqparat» HAA tilshisi.
«Munaı ónimderiniń ıisi úsh apta boıy sezilgenine qaramastan, oblystyq ekologııa mamandary qala turǵyndarynyń jazbasha aryzynan keıin ǵana ózderiniń kásibı mindetterin atqarýǵa kiristi. Nátıjesinde zııandy zattardyń joqtyǵy anyqtaldy. Sol sebepti biz qazir áleýmettik jelilerde gaz taldaýshy qurylǵy satyp alý máselesin kóterip otyrmyz», - deıdi «Baıtaq bolashaq» ekologııalyq alıansy» qoǵamdyq birlestiginiń ókili Arman Haırýllın.
Bul usynysty ondaǵan qala turǵyndary qoldap otyr.
