Atyraý turǵyndary 11 kún boıy ystyq sýsyz otyrady
Atyraý oblysynyń energetıkalyq kesheni baspasóz qyzmetiniń málimetinshe, ystyq sý berýdi ýaqytsha toqtatý jóndeý jumystarymen baılanysty bolyp otyr.
«Atyraý qalasynda 4-15 qyrkúıek aralyǵynda ystyq sý berý toqtatylady. «Atyraý jylý júıeleri» AQ kúrdeli jóndeý josparynyń kestesine sáıkes qalada jylý pýnktterinen magıstraldy jylý qubyrlarymen ystyq sý berýdi tolyq toqtatatynyn, habarlaıdy. Osyǵan baılanysty ýaqytsha týyndaǵan qıyndyqtar úshin keshirim suraımyz», -dep habarlady energetıkalyq keshenniń baspasóz qyzmeti.
Munaıly shaharda ystyq sý berýdi ýaqytsha toqtatý alǵash ret emes. Jaz aılarynda ystyq sý berý birneshe ret toqtatyldy. Munyń bárinde de jylý pýnktterindegi jabdyqtardy tekserý, kúrdeli jóndeý sebebi alǵa tartyldy.
Eske sala ketelik, budan buryn Atyraýdyń bir bóliginde taǵy 4 kún ystyq sý bolmaıtynyn jazǵan edik.
Sondaı-aq, káriz kollektoryndaǵy aqaýdan bir shaǵyn aýdan sýsyz qalǵan edi.
Atyraý qalalyq ákimdigi baspasóz qyzmetiniń málimetinshe, Balyqshy shaǵyn aýdanyndaǵy káriz kollektorynda aqaý anyqtalǵan. Osyǵan baılanysty atalǵan shaǵyn aýdanda 20 shildege qaraǵan túni saǵat 00:00-den tańǵy saǵat 06:00-ge deıin sý berý ýaqytsha toqtatyldy.
Sondaı-aq, shaǵyn aýdanyndaǵy apatty qalypqa keltirý jumystary kezinde Qojaqaev kóshesinde ornalasqan №21, Beıbitshilik kóshesiniń №62 mekenjaıdaǵy kóppáterli úıde elektr jaryǵy ýaqytsha ajyratyldy.
