Atyraý turǵyndary 1 qyrkúıekte qoǵamdyq kólikpen tegin qatynaıdy
Atyraý qalasynyń ákimi Shákir Keıkınniń aıtýynsha, bul usynys jolaýshy tasymaldaıtyn kásiporyndar tarapynan qoldaý tapqan.
«Burynnan memlekettik mereke kúnderi avtobýstarda tegin júrý aktsııalary iske asyrylyp keledi. Jańa oqý jylynyń bastalýyna baılanysty Bilim kúniń baılanysty mańyzdylyǵyn eskerip, Atyraý qalasyndaǵy ata-analar men oqýshylarǵa, muǵalimder men shahar qonaqtaryna kóterińki kóńil-kúı syılaýdy maqsat ettik. Osy oraıda jolaýshylardy avtobýsta tegin tasymaldaý týraly «Aqjaıyq», «Atyraý», «Alǵabýs» avtoparkteriniń basshylaryna usynys bildirgen bolatynmyn. Atalǵan avtopark basshylary usynysyma biraýyzdan qoldaý bildirdi. Bilim kúni – 1 qyrkúıekte shahar turǵyndary men qonaqtary Atyraý qalasyda, oǵan taıaý ornalasqan eldi mekenderge qatynaıtyn barlyq marshrýttaǵy avtobýstar tegin qyzmet kórsetedi», -dep habarlady qala ákimi Shákir Keıkin.
Munaıly shahar men oǵan taıaý mańdaǵy eldi mekenderge jolaýshy tasymaldaý úshin kún saıyn 240 avtobýs jolǵa shyǵady. Qoǵamdyq kólikter kestege sáıkes tańerteńnen keshke deıin jolaýshylardy tegin tasymaldaıdy.
Jas aıyrmashylyǵyna shekteý qoıylmaıdy. Qala ákimi men jolaýshy tasymaldaıtyn kásiporyndar basshylarynyń ortaq uıǵarymymen bul múmkindikti jas aıyrmashylyǵyna qaramastan jolaýshylardyń bári paıdalana alady.
Eske sala ketelik, buǵan deıin Atyraý ákimi eskertkish mańynda kógershinderge nan qaldyǵyn shashpaýdy usynǵanyn habarlaǵan bolatynbyz.
