Atyraý temirjolshylary zardap shekkender úshin qan tapsyryp jatyr

ATYRAÝ. QazAqparat – Atyraý temirjolshylary jappaı tártipsizdik kezinde zardap shekkender úshin qan tapsyryp jatyr, dep habarlaıdy QazAqparat.

Atyraý magıstraldyq jeli bólimshesiniń dırektory Elýbaı Saparovtyń málimetine súıensek, jergilikti temirjolshylar qan qoryn molaıtýdy uıǵarǵan.

«Elimizde bolǵan jappaı tártipsizdikten quqyq qorǵaý organdary men áskerılerdiń qaza tapqany janymyzǵa batyp otyr. Zardap shekkender de az emes. Atyraý temirjol bólimshesinde jumys isteıtin 2000-ǵa jýyq temirjolshy jaraqat alǵandardy qoldaý úshin qan tapsyrýǵa uıǵarym jasady. Keshe 70-ge jýyq temirjolshy jappaı tártipsizdikten zardap shekkender úshin qan tapsyrdy», -deıdi Elýbaı Saparov.

Eske sala ketelik, buǵan deıin Atyraýda jappaı tártipsizdikten 49 polıtseı men 27 sarbaz

jaraqat alǵanyn habarlaǵan edik.