Atyraý teatry halyqaralyq festıvaldiń bas júldesine ıe boldy
Teatr dırektorynyń orynbasary Nurgúl Qumarqyzynyń aıtýynsha, Túrkııanyń Antalııa qalasynda ótken HІ halyqaralyq teatr festıvaline álemniń ár elinen 24 óner ujymy qatysqan.
Sonyń biri – Mahambet atyndaǵy akademııalyq qazaq drama teatry. Atyraýlyq ártister festıvalge qazaqtyń kórnekti jazýshysy, dramatýrg Rahymjan Otarbaevtyń «Jalǵyzdyq» dramasyn usynǵan. Rejısseri – Muqanǵalı Tomanov.
«Festıval aıasynda óner kórsetken teatrlarǵa arnaıy júldeli oryndar berilgen joq. Biraq, dramatýrgter men rejısserler 24 óner ujymynyń arasynan Ankara, Antalııa, Ispanııa jáne Mahambet atyndaǵy akademııalyq qazaq drama teatrynyń sahnalyq qoıylymyn úzdik dep tanydy. Al, bizdiń teatrdyń ártisteri sahnalaǵan «Jalǵyzdyq» qoıylymy «Eń úzdik spektakl» atalymynda bas júldeni ıelendi» -deıdi Nurgúl Qumarqyzy.
Eske sala ketelik, budan buryn Atyraýdyń jastar teatry halyqaralyq festıvaldiń bas júldesin ıelengenin habarlaǵan edik.
