Atyraý taekvondoshylary TMD kýbogi halyqaralyq týrnırinen 9 altyn medal aldy
Oblystyq dene shynyqtyrý jáne sport basqarmasynyń baspasóz qyzmetinen málim etkendeı, atalǵan týrnır Qyrǵyzstan Respýblıkasynyń Sholpan Ata qalasynda ótken.
«Qazaqstan quramasy sapynda Atyraý oblysynan 16 taekvondoshy «Qyrǵyzstan injý-marjany» oıyndary aıasynda GTF taekvondodan «TMD Kýbogy» halyqaralyq týrnırine qatysty. Týrnırde 400-den astam sportshy baq synap, jalpy komandalyq esepte Qazaqstan quramasy birinshi orynǵa ıe boldy. Reseı men Qyrǵyzstan komandalary ekinshi jáne úshinshi oryndy bólisti. Atyraý oblysynan synǵa túsken taekvondoshylar 9 altyn, 5 kúmis, 2 qola júldege ıe boldy», -dep habarlady basqarmanyń baspasóz qyzmeti.
Máselen, massogı bóliminde Amır Ýmaev (26 keli) , Meıirjan Ádilhan (45 keli), 55 kelide Aıbek Demegenov (55 keli), Dılnaz Dúısenbaeva (55 keli), Dana Erlanqyzy (65 keli) altyn medaldy ıelengen.
Al, Mansýr Jumabaı (30 keli), Dáýlethan Erlanuly (45 keli), Aspanbek Baqtybek (52 keli), Matveı Tolstov (64 keli) kúmis júlde ıe bolǵan.
Týrnırdiń qol medalin Mansýr Jumabaı (30 keli) men Bekzat Kóshbaı (55 keli) qanaǵat tutqan.
Atalǵan týrnırdiń hengı bóliminde synǵa túsken Mansýr Jumabaı, Aıbek Demegenov, Aspanbek Baqtybek, Dılnaz Dúısenbaeva altyn medeldi jeńip alyp, Ánurandy shyrqatty. Osy synda Dáýlethan Erlanuly kúmis júldeni ıelenip otyr.
Eske sala ketelik, buǵan deıin Atyraýlyq sportshy sambodan Azııa chempıony atanǵanyn habarlaǵan bolatynbyz.