«Atyraý sý arnasynyń» basshysy qamaýǵa alyndy
ATYRAÝ. QazAqparat - «Atyraý sý arnasy» MKK basshysy Andreı Tashlykov para aldy degen kúdikke ilinip, qamaýǵa alyndy, dep habarlaıdy QazAqparat tilshisi.
«№2 Atyraý qalalyq sotynyń tergeýshi sýdıasy oblys boıynsha sybaılas jemqorlyqqa qarsy is-qımyl ulttyq bıýro departamenti aǵa tergeýshisi kúdikti A.Talshykovke qatysty kepildikten 2 aı merzimge qamaýǵa alý týraly» bultartpaý sharasyna ózgeris engizý týraly ótinishin qarady», - dep habarlady oblystyq sottyń baspasóz qyzmeti.
Sondaı-aq, vedomstvo onyń 2015 jyldyń qańtar aıynan qazirgi ýaqytqa deıin Reseı Federatsııasynyń Astrahan qalasy baǵytyna 50 ret shyqqanyn habarlady. Kúdiktiniń jeke bıznesi men «qylmystyq jaýapkershilikten qashý maqsatynda turaqty turǵylyqty jeri bolýy múmkin» Astrahanda birqatar jyljymaıtyn múlik nysandary bary anyqtaldy, dep málim etti oblystyq sottyń baspasóz qyzmeti.
A.Talshykovqa qatysty sot qaýlysyna sáıkes, 2017 jyldyń 19 qazanynan 19 jeltoqsanyna deıin qamaýǵa alý sanktsııasy jarııalandy.
