«Atyraý Sý Arnasynyń» basshysy 2 aıǵa qamaýǵa alyndy
ATYRAÝ. QazAqparat - №2 Atyraý qalalyq sotynyń tergeý sýdıasy «Atyraý Sý Arnasy» KMK dırektoryna qatysty eki aıǵa qamaýda ustaý túrindegi bultartpaý sharasyn bekitti, dep habarlaıdy «QazAqparat» HAA tilshisi.
«Tergeý nusqasy boıynsha, A.T. (A. Tashlykov) QR QK 189-baby 4-bólimi 2-tarmaqshasynda qarastyrylǵan qylmysty, ıaǵnı jalǵan kelisimshart jasaý arqyly senip tapsyrylǵan bıýdjet qarjysyn jymqyrdy degen kúdik keltirýde», - dep habarlady №2 Atyraý qalalyq sotynyń baspasóz qyzmeti.
Baspasóz qyzmetiniń málimetinshe, sýdıa kepilmen bosatý somasyn 68,07 mln teńge kóleminde belgilegen.
