Atyraý stýdentteri munaı ónimderiniń qaldyǵynan túrli kıim tikti
S.Ótebaev atyndaǵy Atyraý munaı jáne gaz ýnıversıtetiniń stýdentteri rezına, sıntetıka mata, plastmassa, polımer plenka jáne polıetılen paketinen tigilgen kıimderdiń jıyntyǵyn usyndy. Stýdentter atalǵan oqý ornynda «Organıkalyq zattardyń hımııalyq tehnologııasy» mamandyǵyn oqıdy.
Karnaval kostıýmderi men sándi kóılekterdi, zerthanalyq halat pen arnaıy kıim, tipti jas jubaılarǵa arnalǵan kıimderdi tigý úshin Atyraý munaı óńdeý zaýytynan munaı ónimderiniń qaldyǵyn paıdalanǵan.
«Kópshilik munaıdy tek otyn óndiriletin shıkizat retinde biledi. Biraq, is júzinde kúndelikti turmysta tutynatyn buıymdardyń quramynda munaı bolýy múmkin. Óıtkeni, munaı komponentterinen plastık, turmystyq hımııa quraldary, kosmetıka, dári-dármekter jasalady. Munaı jeńil ónerkásipte bar. Toqyma óndirisinde sıntetıka mata keńinen qoldanylady. Máselen, polıesterden tigilgen jumys kıimderi óte tózimdi. Sebebi, mundaı kıimder myjylmaıdy, sozylmaıdy, tipti ońaı jýylady. Osynyń bárin biz kórermenderge kórsetkimiz keldi» - deıdi ýnıversıtet stýdentteri.
Eske sala ketelik, budan buryn Atyraýda ınnovatsııalyq jobalar konkýrsynyń jeńimpazdary anyqtalǵanyn habarlaǵan bolatynbyz.
