Atyraý stýdentteri áskerı robototehnıka, qarý-jaraq qurastyrýdan saıysty

ATYRAÝ. QazAqparat – Atyraýda kolledj stýdentteri áskerı-patrıottyq klýbtar arasyndaǵy robototehnıka saıysynda júk tasymaldaý qurylǵylarynyń modelin usyndy, dep habarlaıdy QazAqparat.

Oblystyq dene shynyqtyrý jáne sportty damytý ortalyǵynyń alǵashqy áskerı jáne tehnologııalyq daıyndyq basqarmasynyń qoldaýymen onlaı-robototehnıka saıysy «Áskerı robototehnıka» jáne «Qarý-jaraqtyń, áskerı tehnıkanyń úlgileri» nomınatsııalary boıynsha ótti. Oǵan óńirdegi bilim berý mekemeleriniń áskerı-patrıottyq klýbtary men «Jas sarbaz» synyptarynan 32 tárbıelenýshi qatysty.

«Baıqaý qatysýshylary robototehnıka, 3D modeldeý jáne shemotehnıka kýrstaryn qashyqtan oqyp júr. Olardyń arasynda bolashaqta elimizdiń qorǵanys ónerkásibine úles qosatyndar bar ekenine senimdimin», - deıdi «Jas sarbaz» balalar men jasóspirimder áskerı-patrıottyq qozǵalysy oblystyq fılıalynyń jetekshisi Nurlan Eleýov.

Saıys qorytyndysymen S.Muqashev atyndaǵy Atyraý polıtehnıkalyq joǵary kolledjiniń stýdentteri Temirlan Nuptollaev pen Elaman Janatbek «Robototehnıka» nomınatsııasynda jeńimpaz atandy. Olar «M-939» júk tasymaldaý jabdyqtarynyń modelin usyndy.

Al, «Qarý-jaraq pen áskerı tehnıkanyń úlgileri» atalymynda Jylyoı aýdanyndaǵy «Jas tehnıkter» stantsııasynyń tárbıelenýshisi Jumash Dastan úzdik dep tanyldy.

Eske sala ketelik, budan buryn Atyraýda aýyl mektebiniń oqýshylary robot, dron qurastyryp jatqanyn jazǵa edik.