Atyraý statsıonarlarynyń jansaqtaý bólimindegi júkteme 70 paıyzdan asty
ATYRAÝ. QazAqparat – Atyraý statsıonarlarynyń jansaqtaý bólimindegi júkteme 70,2%-ǵa jetti, dep habarlaıdy QazAqparat.
Oblystyq densaýlyq saqtaý basqarmasynyń baspasóz qyzmetinen málim etkendeı, ınfektsııalyq statsıonalarda qaýipti vırýsqa shaldyqqan 1 444 naýqas emdelip jatyr.
«Óńirde 2 922 tósek-orynǵa eseptelgen ınfektsııalyq statsıonarlardaǵy júkteme 49,4%-dy qurady. Statsıonarlardyń 114 oryndyq jansaqtaý bóliminde koronavırýspen aýyryp, jaǵdaıy nasharlaǵan 80 naýqas oqshaýlandy. Onyń ishinde 12 patsıent ókpeni jasandy jeldetý apparatyna qosylǵan. Qazir jansaqtaý bólimindegi júkteme 70,2%-ǵa jetti» -dep habarlady basqarmanyń baspasóz qyzmeti.
Eske sala ketelik, buǵan deıin Atyraýda 12 naýqas ókpeni jasandy jeldetý apparatyna qosylǵan bolatyn.
