Atyraý soty úsh adamdy óltirip, ómir boıyna sottalǵan jigittiń úkimin ózgerissiz qaldyrdy
Atyraý oblystyq sotynyń qylmystyq ister jónindegi sot alqasynda úsh adamdy qasaqana óltirip, bireýin óltirýge oqtalǵan K-nyń apellıatsııalyq shaǵymy qaraldy.
«Atyraý oblysynyń qylmystyq ister jónindegi mamandandyrylǵan aýdanaralyq sotynda K. úsh adamdy qasaqana óltirip, bir adamdy qasaqana óltirýge oqtalǵany, atys qarýyn ıemdenip, tasymaldap, qoldanǵany úshin kináli dep tanyldy. Oǵan QR Qylmystyq kodeksiniń 287-babynyń 3-bóligi, 24-babynyń 3-bóligi, 99-babynyń 2-bóliginiń 1,6-tarmaqtarymen aıyp taǵylǵan edi. Sot úkimimen kúdiktige ómir boıyna bas bostandyǵynan aıyrý jazasy taǵaıyndaldy. Jábirlenýshilerdiń paıdasyna 44 mln teńgeden astam materıaldy jáne moraldy zalal óndirilgen edi», -dep habarlady oblystyq sottyń baspasóz qyzmeti.
Sottalýshy men onyń advokattary birinshi satydaǵy sottyń aıyptaý úkiminiń kúshin joıyp, isti sottyń basqa quramynda basqa oblysqa jańadan qaraýǵa jiberýdi suraǵan.
«Qylmystyq ister jónindegi sot alqasynyń qaýlysymen sot úkimin ózgerýge nemese onyń kúshin joıýǵa negizder anyqtalmaǵandyqtan, birinshi saty sotynyń úkimin ózgerissiz, apellıatsııalyq shaǵymdardy qanaǵattandyrýsyz qaldyrdy», -dep málim etti oblystyq sottyń baspasóz qyzmeti.
Eske sala ketelik, budan buryn Atyraýda úsh adamdy qasaqana óltirip, bireýin jaralaǵan jigit ómir boıyna sottalǵanyn habarlaǵan bolatynbyz.
