Atyraý prokýrory jasóspirimniń ólimine qatysty isti baqylaýyna aldy

ATYRAÝ. QazAqparat - Atyraý oblysynyń prokýrory kámelettik jasqa tolmaǵan Ózbekstan azamaty Asylbek Hamroevtyń ólimine qatysty isti óz baqylaýyna aldy, dep habarlaıdy «QazAqparat» HAA tilshisi.

«Kámelettik jasqa tolmaǵan A.Hamroev óliminiń tergelýi oblystyq prokýratýranyń baqylaýyna alyndy. Іs boıynsha tıisti sot saraptamalary taǵaıyndaldy. Aldyn ala anyqtalǵandaı, mert bolǵan balanyń  anasy Ýmıda Hamroeva óziniń kámelettik jasqa tolmaǵan balasy A.Hamroevpen bıylǵy jyldyń 13 maýsymynda Ózbekstannan Jylyoı aýdanyna kelip, aýyzsha kelisimshart boıynsha sharýa qojalyǵyna shopan retinde jumysqa kirgen», - dedi Atyraý oblysynyń prokýrory Ernat Sybanqulov.

Eske sala keteıik, buǵan deıin Atyraý oblysynda 2 qyrkúıekten beri habar-osharsyz ketken jasóspirim óli kúıinde tabylǵandyǵy týraly habarlaǵan bolatynbyz .