Atyraý prokýrorlary saqtaý merzimi ótip ketken 40 tonnaǵa jýyq jarylǵysh zattardy anyqtady
ASTANA. 27 shilde. QazAqparat /Qanat Mámetqazyuly/ - Atyraý qalasynyń prokýratýrasy saqtaý merzimi ótip ketken jarylǵysh zattardyń saqtalý faktisin anyqtady. Bul týraly QR Bas prokýratýrasynyń baspasóz qyzmetinen habarlandy.
«Jaqynda qalalyq prokýratýra ókilderi qyzmetteri jarylǵysh jáne pırotehnıkalyq zattardyń aınalymymen baılanysty zańdy tulǵalardaǵy zań talaptarynyń saqtalý barysyna tekserý júrgizilgen bolatyn. Shara barysynda «Kompanııa GIS» JShS-ne qarasty jarylǵysh zattardyń negizgi qoımasyn tekserý kezinde 40 tonnadan astam «BTP» markaly jarylǵysh zattardyń saqtalý faktileri anyqtaldy. Jarylǵysh zattar qorabynyń syrtyndaǵy málimetterge qaraǵanda, materıaldardyń shyǵarylǵan merzimi 2007-2008 jyldarǵa belgilenip, ony 24 aıǵa saqtaýǵa bolatyndyǵy kórsetilgen. ıAǵnı 40 tonnaǵa jýyq jarylǵysh materıaldardyń saqtaý merzimi ótip ketkendigi anyqtalyp otyr», - delingen baspasóz aıǵaǵynda.
Prokýratýra ókilderi anyqtaǵandaı, «Kompanııa GIS» JShS-nyń jarylǵysh materıaldardy saqtaýǵa jáne olardy munaıgaz ónerkásibinde paıdalanýǵa ruqsaty bar. Al qoımadaǵy jarylǵysh materıaldardyń negizgi ıesi «Qazaq geofızıkalyq kompanııasy» AQ bolyp shyqty. Atalǵan kompanııa 2009 jyly jarylǵysh materıaldardy «Kompanııa GIS» JShS-ǵa bergen.
«Tekserý qorytyndysyna oraı, prokýratýra Tótenshe jaǵdaılar departamentine zań buzýshylyqty joıý jáne kinálilerdi anyqtap, zańdyq negizde jaýapqa tartý týraly usynym engizdi. Qazirgi kúni Tótenshe jaǵdaılar organdarymen «Kompanııa GIS» JShS-ny ákimshilik jaýapkershilikke tartý týraly másele qarastyrylyp jatyr. Budan bólek, prokýratýra jarylǵysh zattardyń ıelerinen atalǵan materıaldardy oblys aýmaǵynan shyǵaryp, olardy odan ári paıdalaný nemese joıý máselesin sheshýdi talap etýde», - delingen baspasóz aıǵaǵynda.
