Atyraý prokýrorlary áleýmettik jelilerden Konstıtýtsııaǵa qarsy 70 aýdıojazba tapty
ATYRAÝ. QazAqparat - Atyraý oblysynyń prokýrorlary áleýmettik jelilerge Konstıtýtsııaǵa qaıshy keletin aýdıojazbalar taratýdyń 70 faktisin anyqtady, dep habarlaıdy «QazAqparat» HAA tilshisi.
«Atyraý oblysynyń prokýrory Ǵalymjan Toǵyzbaev basshylyq etken jumys toby ınternet-keńistikke baqylaý júrgizdi. Baqylaý jumystarynyń nátıjesinde prokýrorlar dintanýshylar Konstıtýtsııaǵa jáne Qazaqstan Respýblıkasynyń ózge de zańdary men normatıvtik-quqyqtyq aktilerine qaıshy dep tujyrym jasaǵan aýdıojazbalardy taratýdyń 70-ten astam faktisin anyqtady. Atalǵan aýdıojazbalardy buǵattaý týraly hat Qazaqstan Respýblıkasy Investıtsııalar jáne damý mınıstrligi Baılanys, aqparattandyrý jáne aqparat komıtetine jiberildi», - dep habarlady oblystyq prokýratýranyń baspasóz qyzmeti.
Sonymen birge, jumys toby halyq arasynda densaýlyq saqtaý, bilim berý, eńbek jáne áleýmettik qorǵaý, ekstremızm men terrorızmge qarsy kúres boıynsha keń aýqymdy aqparattyq-túsindirý jumystaryn júrgizýde. Atqarylǵan jumystar nátıjesinde oblystyń 63 turǵynyna medıtsınalyq kómek kórsetildi, onyń 250-den astamyna dıagnoz qoıylyp, emdeý taǵaıyndaldy.
2017 jyldyń 17 sáýirinen beri Atyraý oblysy prokýrorynyń jetekshiligindegi jumys toby jalpy sany 4 aýdanda 14 myń adamdy qamtıtyn 182 shara ótkizgen.
