Atyraý prokýrorlary 161 jasóspirimniń konstıtýtsııalyq quqyqtaryn qorǵady
ASTANA. 6 mamyr. QazAqparat - Atyraý oblystyq prokýratýrasy organdarymen aǵymdaǵy jyldyń 1-shi toqsanynda jasóspirimderdiń quqyqtaryn qorǵaý baǵytynda 31 tekserý júrgizildi.
Nátıjesinde 49 prokýrorlyq yqpal etý aktileri engizilip, 101 laýazymdy tulǵa ár túrli sanattaǵy jaýapkershilikke tartyldy jáne kámeletke tolmaǵan 161 jasóspirimderdiń konstıtýtsııalyq quqyqtary qorǵaldy. Bul týraly QazAqparat QR Bas prokýratýrasynyń baspasóz qyzmetine silteme jasap habarlaıdy.
«Máselen, oblystyq prokýratýramen «Minez qulqynda aýytqýshylyǵy bar jasóspirimder úshin áleýmettik jáne eńbekke beıimdeý Atyraý oblystyq mamandandyrylǵan mektep-ınternaty» memlekettik mekemesiniń qyzmetine tekserý júrgizý barysynda nysanǵa 2007 jyldan bastap búgingi kúnge deıin psıhıkalyq aýytqýshylyǵy bar jasóspirim Q. Shaımardan zańsyz ornalastyrylǵany anyqtaldy. Sonymen qatar, ınternatta tárbıelenýshilerdiń jeke isteri tekserilip keıbireýleriniń arnaýly bilim berý uıymyna kámeletke tolmaǵandy ustaýdyń múmkindigi týraly dárigerdiń tujyrymy medıtsınalyq kýálandyrýdan ótpegeni anyqtaldy. Budan basqa, tekserý nátıjesinde ınternattyń burynǵy dırektory G.Andakýlovanyń múgedek V. Plakýşenkonyń konstıtýtsııalyq quqyqtaryn óreskel túrde buzǵany anyqtaldy. ıAǵnı sol mezgilde atalǵan tulǵaǵa zańdy túrde múgedektik belgilenbegenine baılanysty, protezge shyǵyndalǵan qarajat V. Plakýşenkonyń asyraýshysynan aıyrylýyna baılanysty taǵaıyndalǵan járdemaqysynyń esebinen 350 000 teńge alynǵan. Búgingi kúnde, Atyraý qalalyq prokýratýrasy 350 000 teńgeni qaıtarý týraly talap aryzdy qalalyq sotqa berdi», delingen baspasóz aıǵaǵynda.
Sondaı-aq tekserýler barysynda jasaqtalatyn eseppen alynǵan taǵamdardyń qujattaryn salystyrý arqyly, tárbıelenýshilerge berilýge tıisti keıbir taǵamdardyń qoımada negizsiz saqtalatyny jáne olarǵa berilmeıtindigi dáleldendi. Prokýratýra tekserýleriniń qorytyndysy boıynsha oblys ákimi orynbasarynyń atyna zańbuzýshylyqty joıý týraly usynys joldandy.
