Atyraý prokýratýrasy kirister basqarmasyndaǵy sybaılas jemqorlyq shemasyn anyqtady
Atyraý qalalyq prokýratýrasynan málim etkendeı, Atyraý qalasy boıynsha memlekettik kirister basqarmasynyń qyzmetine tekseris júrgizilgen.
«Tekserý nátıjesimen sybaılas jemqorlyq shemalary, salyq óndirýde áreketsizdik
tanytý, bıznes sýbektileriniń qyzmetine zańsyz aralasý derekteri anyqtaldy. Atap
aıtqanda, osy vedomstvonyń qyzmetkerleri aqshalaı qarajat túrinde syıaqy úshin
banktik shottardaǵy buǵattaýlardy alyp tastaǵan. Máselen, bas mamanynyń jeke banktik esepshotyna boryshkerlerden júıeli túrde jalpy somasy 2,7 mln teńge kóleminde aqshalaı qarajat túsip otyrǵan. Atalǵan derekterge qatysty materıaldar sybaılas jemqorlyqqa qarsy qyzmetke protsessýaldyq sheshim qabyldaý úshin joldandy. Tekserý júrgizilip jatyr. Qoldanylǵan sharalarmen memleket paıdasyna 80 mln teńge óndirilip, 70 kásipkerdiń quqyqtary qorǵaldy, 15 laýazymdy tulǵa tártiptik, 1-eýi ákimshilik jaýapkershilikke tartyldy. Bólim basshysy laýazymynan bosatyldy», -dep habarlady Atyraý qalalyq prokýratýrasynan.
Eske sala ketelik, buǵan deıin Atyraý perzenthanalarynda qyzmetter baǵasy negizsiz
ósirilgenin jazǵan edik.