Atyraý prokýratýrasy kásipkerlerge qatysty 272 zańsyz tekserýdi toqtatty
Bul týraly Atyraý oblysynyń prokýrory Halıdýlla Dáýeshovtiń málimetinshe, ýákiletti organdar qurylys jumystaryn bastaý úshin tabystalatyn sáýlet-josparlaý tapsyrmasy men tehnıkalyq sharttardy bekitýden negizsiz bas tartqan.
«Jalǵa berilgen memlekettik múliktiń quny zańsyz ósirilgen. Atyraý qalasynyń aýmaǵynda jolaýshylardy tasymaldaýmen aınalysatyn kásipkerler turǵyndardyń áleýmettik osal toptaryn tegin tasymaldaýǵa mindettelgen. Alaıda, kásipkerlerge kórsetilgen qyzmet úshin aqy tólenbegen. Qazir prokýrorlyq qadaǵalaý sharalarymen bul tájirıbe toqtatylyp, tıisti memlekettik mekemelerdiń basshylary jaýapqa tartyldy. Kásipkerlik sýbektilerine artyq alynǵan qarajatty qaıtarý jumystary júrgizilip, osal top sanatyna kiretin turǵyndardy tasymaldaýdy retteý máselesi qarastyrylyp jatyr» -dep habarlady oblys prokýrory Halıdýlla Dáýeshov.
Onyń aıtýynsha, kásipkerlerdiń quqyqtaryn qorǵaý maqsatynda oblystyń prokýratýra organdary janynda qurylǵan mobıldik toptar habarlamalarǵa baılanysty dereý sharalar qoldanyp otyr.
«Búginge mobıldi toptardyń senim telefondaryna 46 habarlama tústi. Kásipkerlik sýbektilerin qatysty 272 zańsyz tekserý toqtatylyp, 2 ákimshilik hattama zańsyz dep tanyldy» -dep málim etti oblys prokýrory.
Eske sala ketelik, budan buryn Atyraýda jumys isteıtin sottalýshylardyń salyǵy men zeınetaqy jarnasy aýdarylmaǵanyn habarlaǵan edik.
