Atyraý polıtsııasynda 20 otbasylyq jup qyzmet etedi

ATYRAÝ. QazAqparat –Atyraý qalalyq polıtsııa basqarmasynda 20 otbasylyq jup jumys isteıdi. Olar qoǵamdyq tártip pen qaýipsizdiktiń saqtalýy úshin qyzmette júrip baqytty januıa qurǵan, dep habarlaıdy QazAqparat.

Oblystyq Polıtsııa departamenti baspasóz qyzmetiniń málimetinshe, solardyń biri – Álibek pen Baǵdat Qaıyrǵalıevterdiń otbasy.

«Oral qalasyndaǵy Qazaqstan ınnovatsııalyq jáne telekommýnıkatsııalyq ýnıversıtetin bitirgen Álibek 2016 jyly ishki ister organdaryna jumysqa ornalasqan. Al, Baǵdat – QR Іshki ister mınıstrligi Sh.Qabylbaev atyndaǵy Qostanaı akademııasynyń túlegi. Ekeýi bir-birin osy salada keziktirgen», -dep habarlady departamenttiń baspasóz qyzmetinen.

Qazir ekeýi de Atyraý qalalyq Polıtsııa basqarmasynyń kámeletke tolmaǵandar isteri jónindegi ýchaskelik polıtsııa ınspektory bolyp jumys isteıdi. Olar byltyr otaý quryp, endi tuńǵysh sábıin kútip júr. Jalpy, Polıtsııa basqarmasynda erli-zaıypty 20 jup qyzmet etedi.

«Bizdiń atqaratyn qyzmetimiz de, kózqarasymyz ben qyzyǵýshylyǵymyz da bir aranǵa toǵysyp jatady. Kúndelikti atqarǵan jumysymyzdy taldap, bir-birimizge keńesimizdi beremiz. Otbasylyq juptyń bir salada jumys istegeniniń artyqshylyǵy kóp. Óıtkeni jumys babynda bir-birimizge kómektesip, qınalǵan sátte qoldaý kórsetýge múmkindik bar» -deıdi Álibek Qaıyrǵalıev.