Atyraý polıtsııasy jarty tonnadan astam bekire tıelgen kólikti ustady

ATYRAÝ. QazAqparat –Atyraý oblysynda polıtsııa qyzmetkerleri 600 kg bekire tuqymdas balyq tıelgen kólikti ustady, dep habarlaıdy QazAqparat.

«Oblystyq polıtsııa departamentiniń qyzmetkerleri arnaıy jedel operatsııa kezinde Qulsary - Saryqamys tas jolynda asa iri kólemde, jalpy salmaǵy 600 kılogramnan astam bekire balyqtary tıelgen kólikti ustady», dep habarlady baspasóz qyzmeti.

Qazir sotqa deıingi tergep-tekserý QR Qylmystyq Kodeksiniń 339-baby «Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq, paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý» boıynsha júrgizilýde.

Ózge aqparat Qazaqstan Respýblıkasy Qylmystyq is-júrgizý kodekstiń 201-babyna sáıkes jarııalaýǵa jatpaıdy.