Atyraý polıtsııasy lombard pen kepildikke alynǵan adamǵa qatysty jaǵdaıdy túsindirdi
ATYRAÝ. QazAqparat – Atyraý oblystyq Polıtsııa departamentindegiler lombard pen kepildikke alynǵan adamǵa qatysty jaǵdaıdy túsindirdi, dep habarlaıdy QazAqparat.
«21 aqpannan beri Atyraý qalalyq polıtsııa departamentine alaıaqtardyń zańsyz áreketteri týraly qala turǵyndary habarlaýda. Qazirgi ýaqytta «Garant24 Lombard» JShS men «NýrAlıKapıtal» JShS-ne qatysty QR QK 190 baby boıynsha sotqa deıingi tergeý jumystary júrip jatyr. «Garant24Lombard» JShS aımaqtyq dırektory ýaqytsha ustaý ızolıatoryna qamaldy», - dep habarlaıdy aımaqtyq PD baspasóz qyzmeti.
Baspasóz qyzmeti lombardtardyń biriniń salymshysy ustap otqan kepildikke alynǵan adam týraly aqparatqa da túsinikteme berdi.
«Lombard dırektoryn kepildikke alýǵa qatysty túsindire ketsek, 22 aqpan kúni polıtsııa basqarmasyna áıel adam aryzdanyp, qaladaǵy úılerdiń birinde er adamdy zańsyz ustap otyrǵany týraly málim etti. Kóp uzamaı kórsetilgen mekenjaıǵa jedel-tergeý toby baryp, er adamdy Polıtsııa basqarmasyna jetkizdi. 1995 jyly týǵan er adamnyń «HoýmAvtoInvest» JShS-niń atqarýshy dırektory ekeni anyqtaldy. Onyń aıtýynsha, azamat JShS salymshylarymen kelissóz júrgizý maqsatynda páterge kelgen. Oǵan qatysty kúsh kórsetý oqıǵasy tirkelmegen. Qazirgi ýaqytta ol polıtsııa departamentinde páterge óz erkimen álde májbúrli túrde barǵanyna qatysty túsinikteme berip jatyr», - dedi oblystyq PD baspasóz qyzmeti.
Turǵyndardyń aryzyna qatysty zańdy sheshim qabyldanady. QR QPK 201 baby boıynsha basqa aqparat jarııalanbaıdy.
Avtor: A. Sokolov
