Atyraý polıtseıleri júrgizýshilerge jolda saq bolýdy eskertti
ATYRAÝ. QazAqparat – Atyraý oblysynyń polıtseıleri aýa-raıynyń qolaısyzdyǵyna baılanysty júrgizýshilerge jolda saq bolýdy eskertti, dep habarlaıdy QazAqparat.
Budan buryn Atyraý oblysynda jol jabylǵanyn jazǵan bolatynbyz.
Oblystyq tótenshe jaǵdaılar departamenti baspasóz qyzmetiniń aqparatyna súıensek, 27 jeltoqsanda saǵat 00:30-da Atyraý oblysynda kóktaıǵaqqa baılanysty «Atyraý–Inder» baǵytyndaǵy jol jabylǵan. Al, saǵat 08:30-dan bastap «Mııaly–Saǵyz» ýchaskesinde avtokóliktiń barlyq túri úshin qozǵalys shektelgen. Erteń, 28 jeltoqsanda Atyraý oblysynyń batysynda, ońtústigi men shyǵysynda tuman, kóktaıǵaq kútilip otyr.
«Atyraýda qar túsip, taıǵaq bastalǵaly patrýldik polıtsııa batalonynyń jumys júktemesi arta túsıi. Óıtkeni, avtokólikterdiń joldan taıyp ketýi jıilep, apatty jaǵdaılar kóbeıdi. Buǵan qolaısyz aýa-raıy sebep bolyp otyr. Sondyqtan, patrýldik polıtsııa qyzmetkerleri júrgizýshilerge der kezinde kólikke qysqy dóńgelek ornatyp, saqtyq sharalaryn buzbaýdy eskertedi», -dep málim etti polıtsııa departamentiniń baspasóz qyzmetinen.
