Atyraý polıtseıleri jeti adamdyq januıany qutqardy
ATYRAÝ. QazAqparat - Búgin tańerteń Atyraýda polıtseıler baspanasy otqa oranǵan jeti adamnan turatyn otbasyny qutqardy.
«Atyraý» shaǵyn aýdanynda ótip bara jatqan jol-patrýldik qyzmet jasaǵy jeke úılerdiń biriniń shatyrynan tútin shyǵyp jatqanyn baıqap qaldy.
Serjanttar Artýr Myrzaǵalıev pen Samat Zulhaıyrov uıyqtap jatqan baspana ıelerin oıatpaq boldy. Bul amaly iske aspaǵan soń, bireýi órt sóndirýshilerdi shaqyrdy, ekinshisi úıge kirdi.
Úıde uıyqtap jatqan 7 adamdy oıatqan polıtseıler olarǵa dalaǵa shyǵýǵa kómektesti. Qutqarýshylar otty aýyzdyqtady, alaıda úı shatyry qulady. Belgili bolǵandaı, jóndeý jumystarynan keıin shatyrda qalǵan aǵash jańqalary otqa oranǵan», dep habarlady óńirlik ІІD baspasóz qyzmetiniń basshysy Gúlnazıra Muhtarova.
