Atyraý polıtseıleri erlikpen kóz jumǵan Shalqar Aqymǵalıevke án arnady
ATYRAÝ. QazAqparat - Atyraýlyq polıtseıler erlikpen kóz jumǵan áriptesi, polıtsııa serjanty Shalqar Aqymǵalıevke án arnady, dep habarlaıdy QazAqparat.
«Qazaqstan polıtsııasy kúnine oraı ótken saltanatty sharada atyraýlyq polıtseıler qyzmet babynda qaza tapqan áriptesteri týraly án shyrqady. Olar ony marqum Shalqar Aqymǵalıevke arnady. Ol osy jyldyń naýryz aıynda Jaıyq ózenine batyp bara jatqan áıeldi qutqaram dep mert bolǵan edi. Jıynǵa qurmetti qonaq retinde shaqyrylǵan Shalqardyń anasy ulynyń esimin estigende kóziniń jasyn tııa almady», - dep málim etti polıtsııa departamentiniń baspasóz qyzmeti.
Jıynda qylmyspen kúreste erekshe belsendilik tanytyp, kúsh-jiger jumsaǵan 200-den astam polıtseı QR Іshki ister mınıstriniń buıryǵymen marapattaldy.
Eske sala keteıik, 21 naýryz kúni Atyraýda polıtsııa serjanty Shalqar Aqymǵalıev sýǵa batqan áıeldi qutqaryp, ózi mert bolǵan edi. Arada biraz ýaqyt ótkende erlikpen kóz jumǵan polıtseı memlekettik nagradaǵa usynyldy. Atyraýlyq eriktiler toby qazirgi zamannyń batyry Shalqar Aqymǵalıevtiń qurmetine eskertkish ornatýdy usyndy. Sondaı-aq, polıtseıdi eske alý úshin Atyraýda kókpar uıymdastyryldy.
Avtor: A. Sokolov
