Atyraý polıtseıleri erekshe balanyń týǵan kúnine syılyq jasady

ATYRAÝ. QazAqparat - Atyraý polıtseıleri erekshe balaqaıdyń týǵan kúnine syılyq jasady, dep habarlaıdy QazAqparat. Bul týraly áleýmettik jelide balanyń anasy Svetlana Lı jazdy.

Tártip saqshylary balaqaıdy týǵan kúnimen quttyqtap oıynshyq kólik syılady. Odan keıin balany polıtsııa kóligine otyrǵyzyp qalany aralatqan.

«Atyraý oblysy polıtsııa departamentiniń patrýldik polıtsııa ujymyna Alla razy bolsyn. Kishkentaı erekshe sábıimiz Abdýrahım balaqaıdy búgingi týylǵan kúnimen quttyqtap, armanyn oryndap syılyǵyn berip, qalanyń ishin qydyrtyp qaıtty. Balaqaıdyń qýanyshynda shek joq, kórip qýanyp máz boldy. Osyndaı múmkindiligi shekteýli jandardyń janyn túsinip, júrekterine meıirim uıalatyp janyn túsingen sizderge Alla saýaptan jazsyn. Jumystaryńyzǵa tolaǵaı tabys, otbasyńyzǵa amandyq tileımin!», dep jazdy balanyń anasy.