Atyraý polıtseıleri destrýktıvti dinı aǵym ókilderinen marıhýana tárkiledi

ATYRAÝ. QazAqparat - Atyraý polıtseıleri destrýktıvti dinı aǵym ókilderinen marıhýana tárkiledi, dep habarlaıdy QazAqparat ІІM-ne silteme jasap.

19 qańtar kúni saǵat 12:25 shamasynda Atyraý oblysy polıtsııa departamenti ekstremızmge qarsy is-qımyl basqarmasynyń qyzmetkerleri jedel-profılaktıkalyq is-shara kezinde Islam dininiń destýrktıvti aǵymynyń radıkaldy baǵytyn ustanýshylardy anyqtady. Sondaı-aq 1995 jáne 1996 jyldary týǵan bul azamattardan 1 qara tústi polıetılen, 2 qoıý jasyl tústi qaǵaz orama tárkilendi.

«Hımııalyq ekspertıza qorytyndysy boıynsha tárkilengen zattardyń 186 gramm bolatyn marıhýana ekeni belgili boldy.

Atalǵan fakti boıynsha QR QK-niń 296-babynyń 2-bóligi boıynsha sotqa deıingi tergeý amaldary júrgizilip jatyr. Ózge aqparat QR QPK-niń 201-babyna sáıkes jarııalanýǵa jatpaıdy», - dep jazdy vedomstvodan.

Foto: Stefan Puchner/Getty Images