Atyraý polıtseıleri bir aptada 121 adamnyń qujatyn rásimdeýge kómektesti

ATYRAÝ. QazAqparat – Atyraý polıtseıleri bir apta ishinde 121 azamatqa qujatyn rásimdeýge kómek kórsetti, dep habarlaıdy QazAqparat.

Oblystyq polıtsııa polıtsııa departamentiniń kóshi-qon qyzmeti jáne Halyqqa qyzmet kórsetý ortalyǵynyń jergilikti fılıaly birlesip, mobıldi top qurǵan.

«Birlesken mobıldi top qurýdaǵy maqsat – karantın kezinde qujattarynyń qoldanylý merzimi ótip ketken azamattarǵa turǵylyqty mekenjaıynda jeke kýálikti rásimdeýge kómek kórsetý. Birlesken mobıldi toptar 13 mamyrdan beri 121 adamǵa kómek kórsetti» -deıdi polıtsııa departamenti kóshi-qon qyzmeti basqarmasynyń bastyǵy Rýslan Ádilov.

Onyń aıtýynsha, kómek alǵandardyń arasynda densaýlyǵy nashar, kóshede óz betinshe júre almaıtyn zeınetkerler men áleýmettik tólem alýshylar bar.