Atyraý perzenthanasynda jas bosanǵan áıel náresteni edenge qulatyp aldy

ATYRAÝ. QazAqparat – Atyraý perınataldyq ortalyǵynda úsh kún buryn ómirge kelgen náresteni jas bosanǵan áıelderdiń biri edenge qulatyp aldy, dep habarlaıdy QazAqparat tilshisi.

Anasy rentgenge túsýge ketken kezde náreste jylaıdy. Palatada jatqan basqa áıel jubatý úshin ony kótermek bolady. Alaıda, sábıdi qolynan túsirip alady.

«Jańa týǵan sábıge mı ıshemııasy dıagnozy qoıyldy. Oǵan ottegi jasandy tynys alý apparaty arqyly berilip jatyr. Satýratsııasy – 93%. Geodınamıkasy turaqty, júrek soǵysy qalypty. Nevrologııalyq sımptom joq», - dep habarlady perınataldyq ortalyq dırektory Qanat Ermaǵambetov.

Oblystyq densaýlyq saqtaý basqarmasynyń basshysy Ashan Baıdýálıevtiń aıtýynsha, osy oqıǵaǵa baılanysty arnaıy komıssııa qurylǵan.

«Bul oqıǵa egjeı-tegjeıli tekseriledi. Qazir osy maqsatta arnaıy jumys komıssııasy quryldy. Qulaǵan sábı kompıýterlik tomografııaǵa túsirildi. Onyń qorytyndysy boıynsha sábıdiń densaýlyǵyna qatty zaqym kelmegen», - dep málim etti Ashan Baıdýálıev.

Eske sala ketelik, buǵan deıin Atyraý perzenthanalarynda qyzmetter baǵasy negizsiz ósirilgenin habarlaǵan edik.