Atyraý perzenthanasynda 25 jastaǵy kelinshek kóz jumdy
ATYRAÝ. QazAqparat - Atyraý perzenthanalarynyń birinde 25 jastaǵy júkti áıel kóz jumdy, dep habarlaıdy QazAqparat tilshisi.
12 qyrkúıek kúni saǵat 9-dar shamasynda 103 nómirine qońyraý túsken. Júktiliktiń 38-39-shy aptasynda júrgen kelinshek ózin nashar sezinip turǵanyn aıtqan. Naýqas shuǵyl túrde oblystyq perınataldyq ortalyqqa jetkizilip, sol jerde qaıtys boldy.
Oblystyq densaýlyq saqtaý basqarmasynyń baspasóz qyzmeti áıel adamnyń ólimine ákep soqqan sebepter týraly atalmysh derek boıynsha júrgizilgen tergeý amaldary aıaqtalǵan kezde habarlaıtyn boldy.
