Atyraý perzenthanasyna shala týǵan náresteni jetildirýge arnalǵan qurylǵylar berildi
Atyraý qalalyq perzenthanasynyń dırektory Gúlzınep Dúsipovanyń aıtýynsha, zamanaýı qurylǵylar – shala týǵan balalardyń qarqyndy terapııasyna arnalǵan ınkýbator jáne ashyq reanımatsııalyq júıe.
«Bul qurylǵylardy týǵan nárestelerdi emdeýge paıdalanýǵa bolady. Naqtysynda mundaı medıtsınalyq jabdyqtarmen keminde 1 350 balanyń ómirin saqtap qalýǵa jol ashylady. múmkindik beredi. Óıtkeni, bizdiń perzenthana Atyraý qalasynyń turǵyndaryna medıtsınalyq kómek kórsetýdiń ІІ deńgeıine jatady. Bosanýy qıyn júkti analar bizdiń perzenthanaǵa jiberiledi. Júkti analarǵa jedel jáne sapaly medıtsınalyq kómek kórsetý úshin týǵan náresteler patologııasy bólimshesi reanımatsııalyq jabdyqqa zárý bolatyn. Endi bizdiń neonatolog-dárigerler men reanımatologtar ómirge kelgen nárestelerge kútim jasaýǵa, fýnktsıonaldyq densaýlyǵyn saqtaýǵa kómektesetin zamanaýı jabdyqtar jıyntyǵymen jumys isteıdi, -deıdi Atyraý qalalyq perzenthanasynyń dırektory Gúlzınep Dúsipova.
Onyń málimetine súıensek, atalǵan qalalyq perzenthanasynyń jańa týǵan náresteler patologııasy bólimshesi jyl saıyn 270-ten astam balany qabyldaıdy. Bul bólimshege berilgen zamanaýı medıtsınalyq jabdyqtar demeýshilik kómekpen alynǵan. Jańa jabdyqtardyń quny – 9,5 mln teńge.
Eske sala ketelik, budan buryn Prezıdent tapsyrmasyna sáıkes Atyraýda jedel járdem stansasyna 20 jańa kólik berilgenin habarlaǵan bolatynbyz.