Atyraý perzenthanalarynda qyzmetter baǵasy negizsiz ósirilgen

ATYRAÝ. QazAqparat – Atyraý perzenthanalarynda qyzmetter baǵasy negizsiz ósirilgen, dep habarlaıdy QazAqparat.

Atyraý qalasynyń prokýrory Arshat Taıtýllınniń aıtýynsha, perzenthanalarda júktilikti esepke alý qyzmetine baǵany zańsyz ósirý deregi anyqtalǵan.

«Perzenthana qyzmetkerleri shyǵyndarǵa zańnamamen alynyp tastalǵan qyzmetterdiń basqa da shyǵyndardy negizsiz eseptegen. Qalalyq prokýratýra qyzmetkerleri baǵa kórsetkishiniń zańsyz ósirý tájirıbesin toqtatty. Qazir bul qyzmetterdiń quny oblystyq perınataldyq ortalyqta 175 000 teńgeden 130 000 teńgege, qalalyq perzenthanada 125 000 teńgeden 109 500 teńgege deıin tómendetildi», -deıdi Arshat Taıtýllın.

Eske sala ketelik, buǵan deıin Atyraý oblystyq densaýlyq saqtaý basqarmasy basshysynyń orynbasary qamalǵany habarlanǵan edi.