«Atyraý-Oral» trassasynda zańsyz aýlanǵan 1 tonna bekire tárkilendi
ATYRAÝ. QazAqparat –Atyraý oblysynda Batys Qazaqstan oblysynyń eki turǵyny 1 tonnadan astam bekire balyǵymen ustaldy, dep habarlaıdy QazAqparat.
Atyraý oblystyq Polıtsııa departamentiniń qyzmetkerleri «Bekire» jedel-profılaktıkalyq aldyn alý sharasy kezinde «Atyraý-Oral» tasjolynda balyq tıegen «Toyota Land Cruiser» kóligin toqtatqan.
«Kólikten 345 dana bekire balyǵy men salmaǵy 200 gramm qara ýyldyryq tabyldy. Osyǵan baılanysty Batys Qazaqstan oblysynyń 28 jáne 29 jastaǵy eki turǵyny ustaldy. Olar baǵaly bekire tuqymdas balyqty zańsyz jolmen Atyraýdan Oral qalasyna jetkizbekshi bolǵan. Tárkilengen balyqtyń jalpy salmaǵy 1 tonnadan asady», - dep habarlady departamentten.
Qazir sotqa deıingi tergep-tekserý Qylmystyq kodekstiń 339-babymen (Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) júrgizilýde.
Baǵaly balyqty zańsyz tasymaldaǵan BKO-nyń eki turǵyny qamaýǵa alyndy.
