«Atyraý-Oral» tasjolynda eki kólik soqtyǵysty
ATYRAÝ. QazAqparat – «Atyraý-Oral» tasjolynda jol- kólik oqıǵasy bolyp, avtomobıl júrgizýshileriniń biri jansaqtaý bóliminde jatyr, dep habarlaıdy qazAqparat tilshisi.
«Atyraý-Oral» tasjolynyń Mahambet aýdany Taldykól aýyly aýmaǵynda «Lada-21214» jáne «Lada-Largýs» markaly eki jeńil kólik soqtyǵysyp qalǵan.
Oblystyq densaýlyq saqtaý basqarmasynyń baspasóz qyzmetiniń habarlaýynsha, «Lada-21214» markaly avtokóliktiń otyz jastaǵy júrgizýshisiniń jaǵdaıy aýyr. Ol Atyraý oblystyq aýrýhanasyna jetkizilgen. Qazir jansaqtaý bóliminde jatyr. Dárigerler onyń ómiri úshin kúresýde. 1968 jyly týǵan «Largýs» kóliginiń tizginshisi, sondaı-aq tórt jolaýshyǵa medıtsınalyq kómek kórsetilip, úılerine qaıtaryldy.
Avtor: A. Sokolov
